Para poñer en valor o cooperativismo queremos contar coas cooperativas da comarca como exemplo de empresas consolidadas e xeradoras de riqueza económica e social.
-
Debemos reforzar a identidade das empresas cooperativas e axudar a identificalas, que poidan incrementar a visibilidade dos seus produtos e servizos cooperativos. Ademais pode axudar a colaboración entre as cooperativas, xa que é moi importante porque permite optimizar resultados e recursos.
-
As persoas cando consuman marca cooperativa estarán a mercar produtos e servizos realizados baixo un modelo igualitario, democrático e solidario, que cumpre cos valores do cooperativismo. Pero ademais mercarán uns produtos e servizos de calidade e intimamente vinculados coa súa comunidade, produtos galegos de alta gama e de gran valor social.
-
Para conseguir a marca cooperativa debemos demostrar esa identidade diferencial: que teñen mecanismos de participación, compromiso coa comunidade na que se insiren e uns criterios de calidade e desenvolvemento sostible desde os ámbitos social, económico e ambiental.
En breve compartiremos a historia de unha das cooperativas da comarca.
Cooperativismo Ferrolterra 