“Sementeiras no Emprego” en Cabanas

Este mércores 26 de outubro realizaremos, por primeira vez este ano, un Obradoiro de Economía Social e Cooperativismo “Sementeiras no Emprego” aberto ao público, logo dos máis de 20 que levamos realizado con grupos pechados. A Oficina de Fomento da Economía Social da Mancomunidade e o Concello de Cabanas informarán ás persoas asistentes sobre as diferencias entre as diferentes formas xurídicas da economía social e mercantil, as subvencións dispoñíbeis, as oportunidades de negocio e a súa posta en marcha. Tamén asistirán persoas que emprenderon na economía social da nosa contorna e explicaránnos os seus casos de éxito.

Máis información e inscricións: https://bit.ly/3F1KU8x

Programa de Apoio á Función Xerencial

🚨A Asociación Galega de Cooperativas Agrarias (AGACA) ven de poñer en marcha de novo o programa de apoio á función xerencial en cooperativas. Conta con 6 meses de prácticas remuneradas prestando apoio á xerencia en cooperativas.
Máis info e inscricións: https://bit.ly/3eINuFF

A transformación de entidades mercantiles en entidades de Economía Social.

Os días 10,11 e 13 de outubro de 16:00 a 19:00h en formato presencial e/ou online terá lugar a seguinte acción formativa que dará dereito a recibir un diploma de asistencia: A transformación de entidades mercantilistas en entidades de ES

https://bit.ly/transformateecosocial

Encontro “Mulleres e Liderado no sector agroalimentario”.

Venres 7/10 de 12:00 a 14:30h. @redrunacional organiza un encontro no que participarán mulleres líderes👩‍💼 de cooperativas, asociacións e emprendedoras rurais. “LA PUESTA EN VALOR DE LAS MUJERES EN EL SECTOR AGROALIMENTARIO.”

Máis infoℹ️ e ✍️inscricións: https://bit.ly/3SU63VH

Xornada de Emprendemento e Economía Social – Narón

Este venres día 30🗓️ estaremos en Narón, na xornada de emprendemento e Economía Social. Presentaremos as subvencións da Rede Eusumo así como as actividades levadas a cabo dende a nosa 🏡Oficina de Fomento Cooperativo e da Economía Social de Ferrolterra.🌊

Agardamos por vós!😉

Programa CULTIVA 2022

Coñece o programa CULTIVA 2022🌱 financiado e desenvolvido polo Ministerio de Agricultura, Pesca e Alimentación, que proporciona formación práctica para persoas mozas, futuras agricultoras ou gandeiras.
Presentación día 19 a través de Zoom ás 13:00
INSCRICIÓNS✍️ https://bit.ly/3Pzhws3
+INFORMACIÓN ℹ️ https://bit.ly/3PS5kD9

A NOVA LEI DE RECUPERACIÓN DE TERRAS AGRARIAS

Datas: do 27 de xuño ao 1 de xullo

Horario: de 16:00 a 20:00 horas

Modalidade: en liña a través da plataforma Zoom

Programa:

Luns 27 de xuño de 16:00 a 20:00 horas (Imparte Alejandro Sánchez de Dios. Subdirector de movilidade de terras)

Parte 1.

– Antecedentes. O problema do abandono. Xenése da Lei.

– Definicións.

– Funcións da Agader

– Os organismos derivados da lei: O Consello de Xestión, o Comité técnico de Prezos e Valores, as Entidades colaboradoras.

Parte 2.

– Os procedementos de investigación da titularidade e declaración de abandono

– O Banco de Explotacións.

– A ordenación de usos. Mapa de Usos e Catálogos

Martes 28 de xuño de 16:00 a 20:00 horas (Imparte Cristina Zolle Fernández. Movilidade de terras).

– Banco de Terras de Galicia. Incorporacións e arrendamentos

– Cesións en propiedade e cesión gratuitas

– Arrendamentos pactados

– Uso de sitegal

Mércores 29 de xuño de 16:00 a 20:00 horas (Imparte Alejandro Sánchez de Dios. Subdirector de movilidade de terras).

– Aldeas Modelo. Sistemas de Xestión Conxunta.

– Espazos Agrarios de transformación

– Plans de dinamización.

– Procedemento sancionador

Xoves 30 de xuño de 16:00 a 20:00 horas (Imparte Carlos Díaz Redondo. Xefe da Área de Xestión de movilidade de terras).

– Polígonos Agroforestais. Polígonos de iniciativa pública, privada e polígonos cortalumes

– Permutas de Especial Interese Agrario

Venres 1 de xullo de 10:00 a 14:00 horas (Imparte Equipo técnico do GDR Comarca de Lugo)

Inscricións: 

– Gratuíta

– A través desta ligazón: https://bit.ly/3nUFdiE

Para máis información: 982238000

Emprendemento no medio rural

📢Obradoiro de emprendemento no medio rural🌳🐿️🌼 desenvolvido pola Asociación GAlega de Cooperativas Agroalimentarias “AGACA”, nas mañás do 14, 19, 21, 26 e 28 de xullo, en modalidade online.💻

+Info. programa e inscricións: https://bit.ly/39XlPhH

Curso de emprendemento no medio rural

🚨Curso de formación online da Red Rural Nacional: “Emprendemento no medio rural”🌳🌲 para persoas que teñen unha idea de negocio ou iniciaron recentemente a súa actividade.

5ª Ed: 21 xuño a 14 xullo https://cutt.ly/aJXqwaG

6ª Ed: 29 xuño a 21 xullo https://cutt.ly/lJXqkwi

Nova cooperativa en Valdoviño!

📢 Ídevos preparando porque este mes inaugurase outra cooperativa na comarca, é non é unha cooperativa calquera…🐎 grandes e pequenos, xa está aquí Cabaliño do Lago, S. Coop. Galega!🐴
Marabillosas rutas a cabalo enmarcadas na lagoa de #Valdoviño ! #Ferrolterra #TurismoActivo #Sustentabilidade #EconomíaSocial

PREMIOS Á COOPERACIÓN 2022

Xa temos as sociedades gañadoras dos Premios á Cooperación 2022, e dous dos tres premios concedidos recaeron en cooperativas da nosa comarca, parabéns!🥳
Premio aos valores cooperativos: 🏕️Aventeira SCG (Fene)
Mellor traxectoria cooperativa: 🌹Agroflor SCG (A Gándara, Narón)
Mellor proxecto cooperativo novo: 13 Grados SCG (Vigo)

Sementeiras no Emprego II

A 2ª edición do programa “Sementeiras no Emprego”🌱 impartiu este ano 16 obradoiros de #EconomíaSocial a máis de 300 persoas desempregadas de #Ferrolterra, #Eume e #Ortegal e imos con máis, isto non acaba aquí! Entrementres, a semente da primeira edición vai xerminando en forma de novas empresas cooperativas, ofrecendo oportunidades, alternativas e traballo digno. 💚GRAZAS!

#XuntasSomosFortes #FerrolterraEmprende

Se tes interese en coñecer as axudas ao emprendemento en Economía Social ou oportunidades de negocio, lembra que podes poñerte en contacto connosco a través do teléfono 722 253 762 ou do correo electrónico cooperativismo@ferrol.es prestarémosche a axuda que precises e asesoramento gratuíto a través da Oficina Local de Fomento Cooperativo da Mancomunidade de Concellos da Comarca de Ferrol. #empresas #oportunidades #emprego

Curso de Marketing Dixital en liña

📢Novo curso en liña!

O Marketing Dixital.💻 Traballa as estratexias de comercialización da túa entidade de Economía Social.

Do 5 ao 26 de maio de 2022

Duración: 20 horas

+ ℹ️NFO: https://cutt.ly/0GRdaKO

Revolta Rural

PARABÉNS!
🌟✨
Dous proxectos cooperativos, asesorados pola Oficina de Fomento Cooperativo da Mancomunidade, gañan o 2º e 3º premio da Revolta Rural, concurso europeo que busca fomentar o emprendemento nestas contornas. Os proxectos, de Turismo Activo 🐴(Valdoviño) e Produción Agroalimentaria🍄(A Capela) verán a luz este ano.

Xornadas “Apostando polo sector primario” en San Sadurniño

As xornadas “Apostando polo sector primario” no Concello de San Sadurniño abordarán as posibilidades económicas do rural

Dun tempo a esta parte, o Concello de San Sadurniñoarrímalle á celebración da Feira da Plantación o programa “Apostando polo sector primario” coa finalidade de mostrarnos as posibilidades que ofrece o medio rural para atender os mercados alimentarios de proximidade con produtos diferenciados e da máxima calidade. As xornadas técnicas deste 2022 van ter lugar na Casa da Xuventude nas seguintes datas:

Venres 22 de abril, 18:30h: “Alimentar a comarca desde o local? O potencial de Ferrol-Eume-Ortegal para se autoabastecer de alimentos”
Xoán Carlos Carreira Pérez, Doutor Enxeñeiro Agrónomo e profesor xubilado da Universidade de Santiago, falará sobre soberanía alimentaria e máis concretamente sobre a capacidade da nosa zona para se autoabastecer de produtos frescos e elaborados. Algo no que poderían desempeñar un papel importante as iniciativas para consumo familiar, as pequenas explotacións ou as centradas na agroecoloxía.

Sábado 23 de abril, 11:00h: “A experiencia do Centro Colaborativo Daquí Darredor de Brión”
Daquí Darredor é un dos centros integrados na Rede de Coworking da Deputación da Coruña e concíbese como espazo colaborativo para a transformación de alimentos -conservas, zumes, etc-, igual que no Centro A Fusquenlla instalado en Moeche, que proximamente iniciará a fase de formación para persoas usuarias. Na charla que se ofrecerá en San Sadurniño contaremos cos relatorios de Lucía Ferreira falando sobre elaboracións con cabaza, co de Carlos Álvarez tratando o cultivo de setas gourmet e medicinais, e co de Santiago Yáñez, quen posúe unha plantación de maceiras en Muxía e produce zume.

Venres 29 de abril, 18:30h: “A apicultura como alternativa económica”
Iago Vilela, enxeñeiro de montes, apicultor e técnico na Casa do Mel de Goente, impartirá unha charla sobre o mundo da apicultura dándo razóns para dedicarse a esta actividade e tamén información sobre como facelo: axudas, alta como persoa apicultora profesional, posta en funcionamento da explotación, comercialización, contabilidade, etc.

Venres 6 de maio, 18:30h: “Oportunidades de emprendemento agroalimentario e desenvolvemento rural”
Á última das charlas de “Apostando polo sector primario” virá como convidado José Manuel Andrade, director da Fundación Juana de Vega. Esta entidade traballa desde hai décadas no desenvolvemento agrario e económico do rural galego e ten en marcha un programa de apoio ao emprendemento do que xa xurdiron varios proxectos dedicados á produción e transformación agroalimentaria.

Para participar en cada unha destas xornadas fai falla inscrición previa, chamando ao 616 332 919 ou enviando un correo a agustin.perez@sansadurnino.gal ata catro días antes da sesión á que se queira asistir. Só hai 35 prazas dispoñibles en cada unha delas e terán prioridade as persoas empadroadas en San Sadurniño ou as que sexan socias das entidades que colaboran na organización: a Asociación Galega da Froita Autóctona, a Asociación Agroecolóxica A Cortiña e a Asociación Casa do Mel.

Boa nova para as nosas tendas.

As tendas das cooperativas de Ferrolterra resisten mellor os efectos do paro do transporte.

A #EconomíaSocial vai da man do #ComercioLocal e de proximidade, apoiando e revalorizando a nosa contorna.

#OValorDoNoso

#XuntasSomosFortes

https://www.lavozdegalicia.es/noticia/ferrol/2022/03/24/tiendas-cooperativas-resisten-mejor-efectos-paro-transporte/0003_202203F24C2991.htm

Xornada informativa sobre as “Casas Niño”

As “casas NIÑO”: unha oportunidade de emprendemento para cooperativas de traballo asociado no rural, atendendo a nenas e nenos ata os 3 anos nunha contorna familiar e próxima.

Que son. Axudas para a súa creación.

https://bit.ly/jornadacasasniño

Curso de “Persoal experto en comercio electrónico e comunicación dixital”

A Fundación Once organiza un curso de “Persoal experto en comercio electrónico e comunicación dixital” para persoas con discapacidade inscritas como demandantes de emprego. Beca de asistencia de 10€ ao día. Prazas limitadas.

dodiaz.inserta@fundaciononce.es

664 182 960

8 de Marzo, día internacional da muller traballadora.

🗓️Nos dous meses e oito días que levamos de ano, dende a Oficina Local de Fomento Cooperativo da Mancomunidade de Concellos da Comarca de Ferrol, xa levamos impartido formación en economía social a máis de 150 mulleres co programa “Sementeiras no Emprego” 👩‍🦱👩‍💼. Ademáis, constituíse xa unha S.,Coop.,G. formada exclusivamente por mulleres en Cedeira a través das nosas accións de asesoramento e acompañamento, partindo dunha idea xerada por mulleres que participaron na formación “Sementeiras” do ano anterior.👩‍🔧👩‍🌾

#Xermolando

#XuntasSomosFortes

#EmprendeEnIgualdade

#8MFerrolterra

Cursos de incorporación á empresa agraria en Narón

Os cursos “Incorporación á empresa agraria. Orientación Hortícola” 🍄🧅 🍅e “Aplicador/Manipulador de produtos fitosanitarios. Nivel Básico”, celebraránse en Narón na modalidade presencial a partir do 4 de abril.

+Info.ℹ️ e inscricións✍️: https://agaca.coop/24053/

Xornada informativa sobre as CASAS DO MAIOR

🚨Xornada para persoas interesadas en emprender no rural dentro do sector de ATENCIÓN SOCIOSANITARIA👩‍⚕️🧑‍⚕️ atendendo ás persoas maiores nunha contorna familiar e próxima.🧓👴
🏡As “casas do maior”: Que son. Axudas para a súa creación. 23/02/2022 – 17:00 h.
✍️ http://bit.ly/casasdomaior

Dixitalización do teu negocio

🚨Formación Dixital para Negocios: O Concello de Cabanas pón en marcha o curso de emprendemento dixital “A túa empresa na rede”💻, cunha duración de 60 horas impartidas de maneira telemática durante o mes de marzo.

+INFOℹ️ https://cutt.ly/jPgBAke

INSCRICIÓNS✍️ https://cutt.ly/HPgBZv4

A UDC co programa “Campus Rural”

A Universidade da Coruña (UDC) participa no “Programa Campus Rural’, unha iniciativa posta en marcha polo Ministerio para la Transición Ecológica y el Reto Demográfico en colaboración co Ministerio de Universidades.

O programa “Campus Rural” permitirá a 12 alumnos/as complementar a súa formación en entidades e empresas asentadas en concellos de menos de 5000 habitantes.

Duración das prácticas: 3 meses mínimo e 5 meses máximo.

O/a estudiante deberá residir no mesmo concello que a empresa onde realiza as prácticas.

Remuneración: 1000 € brutos mensuais+ gastos de Seguridade Social (sen custo para a empresa/entidade)

Numero de prácticas: 12 (6 do ámbito CC. Sociais e Humanidades e 6 de CC. Saúde)

Máis información:  https://www.miteco.gob.es/es/reto-demografico/temas/campus_rural.aspx

Obradoiro: Técnicas de negociación

Obradoiro gratuito de “Técnicas de negociación” o próximo xoves 17 as 16:30 h. na Casa da Cultura do @ConcelloCapela impulsada polo Centro de Coworking.

Daniel Siles abordará as mellores técnicas de negociación cos grupos de interese dos vosos negocios.

✍️https://cutt.ly/tO4HT09

Subvencións para o fomento do emprendemento 2022

🚨No día de hoxe vense de publicar as subvencións para o fomento do emprendemento en #EconomíaSocial, que ofrecen ata un máximo de 36.000 € por cada persoa socia.💵
Podes chamarnos ao teléfono 722 253 762 ou contactar por correo electrónico (cooperativismo@ferrol.es) para concertar unha cita na Oficina Local de Fomento Cooperativo da Mancomunidade. Axudarémoste a poñer en marcha e desenvolver o teu proxecto de negocio en #Ferrolterra.
A atención presencial seguirá a ser os luns, mércores e venres no Centro de Emprego do Concello de Ferrol, os martes no Concello de Valdoviño e os xoves no Concello de Cabanas.
#XuntasSomosFortes

https://cutt.ly/FIFGwyT

Declaración institucional de apoio á Economía Social

✍️O Parlamento de Galicia ven de aprobar por unanimidade este mes de decembro unha declaración institucional de apoio á ECONOMÍA SOCIAL GALEGA, modelo económico fundamental da sociedade actual, democrático, solidario e sustentábel.🤝ℹ️https://cutt.ly/5IuRhdb

Asesoramento e acompañamento gratuítos

Falta pouco máis dun mes para que se convoquen as axudas APROL Economía Social (ata 33.000 € por persoa).
Se estás dándolle voltas a un proxecto de emprendemento chámanos e infórmate sobre súa viabilidade. Asesorarémoste e acompañarémoste na súa posta en marcha.
#FerrolterraEmprende #EconomíaSocial

Programa “Explorer” da Universidade da Coruña

Queres emprender e adquirir as habilidades transversais? 
Se tes entre 18 e 31 anos e ganas de xerar un impacto positivo no mundo, inscríbete en Explorerbyx.org antes do 9 de decembro. 
O programa Explorer axúdache a experimentar o emprendemento como opción profesional. Traballarás sobre a túa idea transformándoa nunha solución que contribúa a lograr os ODS 2030, cun enfoque práctico e baseado en dinámicas de aprendizaxe social. 
Lugar: UDC A Coruña Space e UDC Ferrol Space  
Duración: 12 semanas (do 24 de xaneiro ao 24 de abril de 2022) 
Prezo: gratis 
Participación: só/a ou en equipo (máximo 5 persoas) 

Metodoloxía: learning by doing (sesións presenciais ou virtuais e espazo en liña de traballo social e colaborativo). 
Titorización: cada proxecto será guiado e acompañado por un/unha coordinador/a e un xcout (mentor/a). 
Beneficios:  
Certificado de participación para os proxectos que completen as actividades do programa. 
Explorer Trip: viaxe dunha semana de duración no verán de 2022 á European Innovation Academy de Oporto, Portugal. 

Validación da idea coa que aplicahes ao programa. 

Comunidade: acceso a unha comunidade global de mozos innovadores con máis de 1.000 participantes en cada edición e a incorporación de Explorer Spaces latinoamericanos e europeos. 
Participa e apúntate co teu proxecto. Prazas limitadas.  
Bases👇
https://bit.ly/3FXkDVY
Inscricións👇
https://bit.ly/31gR6I1

📣OFERTA DE EMPREGO

Se che apaixoa o deporte 🥎🏋️‍♂️e ademais dispós da titulación, tes a oportunidade de traballar no centro de adestramento máis punteiro da comarca. Contacta coa cooperativa máis Enérxica !💪

Xornadas de dinamización e transformación do territorio

¿Buscas inspiración para impulsar proxectos no #mundorural

¿Queres conectar con outros axentes rurais?

¿Gostas de cocrear?

¡As #XornadasDOTerritorio na #ComarcadoDeza son para ti! Xornada inspiradora: https://eventbrite.es/e/196412453937 Workshops: https://eventbrite.es/e/196438491817

Xornada de Emprendemento Xuvenil no Medio Rural na temática do Sector Forestal

A Red Rural Nacional levará a cabo unha xornada dixital de “Emprendemento xuvenil no medio rural na temática do sector forestal” o próximo mércores 3 de novembro de 10:00 a 12:00 h.Máis info e inscricións (ata o 1 de novembro):

https://bit.ly/2ZueEb5

Webinar: “Como exportar produtos agroalimentarios a China”

Gracias ao desenvolvemento do Proxecto Sudoe AgrosmartGlobal podemos ter acceso a esta webinar sobre “Cómo exportar productos agroalimentarios a China” previsto para o 20 de outubro ás 10:00 horas (CEST), gracias á colaboración da Cámara de Comercio de España en China. Será impartido por Mr. Jin Lin, Xibarita Chain Brand Founder and CEO, un gran coñecedor do mercado chinés e dos produtos agroalimentarios de España, polo que pode trasladar moitas suxerencias de interese para os que xa exportan e os que estudian iniciarse na exportación a China.

Este webminar desenvolverase íntegramente en castelán, polo que calquera persoa interesada poderá participar gratuitamente. É preciso inscribirse previamente no enlace seguinte: https://docs.google.com/forms/d/e/1FAIpQLSeHash3LsPpyZOuIVSpaMhi2P8s1bUtF2YQ4V5nWVqdQNjyAg/viewform

Plan Estratéxico da Economía Social 2021-2026

Xa podes descargar o Plan Estratéxico da Economía Social na comarca de Ferrol 2021-2026 a través deste enlace de descarga:

https://drive.google.com/file/d/1n2z2QK-OM9_HcN8BYpO8P4rC1gfI6ynq/view?usp=sharing

Podes realizar comentarios e achegas a este plan ata o día 17 de outubro, que serán tidos en conta antes da súa aprobación final no pleno da Mancomunidade de Concellos da Comarca de Ferrol. As achegas poden realizarse enviando un correo electrónico á dirección cooperativismo@ferrol.es

Presentación pública do Plan Estratéxico da Economía Social de Ferrolterra o martes 28 de setembro

A Mancomunidade de Concellos da Comarca de Ferrol presentará este martes 28 de setembro o Plan Estratéxico de desenvolvemento da Economía Social para Ferrolterra 2021-2026, elaborado pola Oficina Local de Fomento Cooperativo desta Mancomunidade. O evento terá lugar no Antigo Hospicio de Ferrol (R/ Méndez Núñez, 11) ás 18:00 horas. Está invitados a este encontro todas as entidades da Economía Social da comarca (cooperativas, sociedades laborais, confrarías, etc.), ademais dos representantes e técnicos das administracións, así como calquera outra persoa interesada neste modelo económico. Para poder asistir é requisito imprescindible inscribirse no teléfono 722 25 37 62 ou no correo electrónico cooperativismo@ferrol.es.

A elaboración deste Plan Estratéxico contou con financiación da Consellería de Emprego e Igualdade da Xunta de Galicia a través das axudas ás entidades colaboradoras da Rede Eusumo para a realización de actividades de promoción e impulso do cooperativismo e a Economía Social. O Plan desenvolve 27 accións a través de 7 eixes estratéxicos que darán visibilidade á actividade do sector na comarca, consolidando o seu proceso de recuperación trala crise pos-pandémica e engadindo valor a través de fórmulas baseadas na intercooperación, o impulso institucional e a inmersión social das entidades. O proxecto tamén analiza o emprego na economía social nos anos de crise, observando unha mellor evolución e desenvolvemento en contraposición coa economía mercantil xeral, onde se observou unha maior destrución de emprego.

Coworking – A Capela

📢Novo centro de coworking no concello da Capela que forma parte da Rede de Espazos de Traballo Colaborativo🤝da Deputación da Coruña no que poderás recibir apoio, seguemento e asistencia técnica do teu proxecto empresarial de balde con Agurtzane López Uribarri .

O novo espazo inclúe os seguintes servizos para emprendedores, emprendedoras e empresas de nova creación. E sen coste algún para ti!

– Consultorías de negocio e emprendemento individuais e grupais.

– Eventos orientados á xeración de sinerxias e colaboracións entre os diferentes negocios.

– Espazo de traballo nun entorno rural moi tranquilo, perfecto para traballar libre de estrés. Conta con tres despachos individuais e unha zona de traballo habilitada para oito persoas, ademáis dunha sala de xuntas.

As prazas son limitadas, inscríbete aquí!👇
http://shorturl.at/bwyFW

Máis info:
E-mail: agurtzane.lopez@peninsula.co
Teléfono: 677668604

Curso: Operacións Básicas de Viveirismo

A Cooperativa do Val 🌄ten programado un curso de operacións básicas de viveirismo🌱(12 h) en outubro. Tres tardes para aprender o necesario para plantar nun viveiro en tódalas súas fases: dende a semente á comercialización. 🌿🛒

ℹ️Infórmate e inscríbete na propia cooperativa!

Comunicación, redes sociais e risoterapia de balde nun taller online dirixido a mulleres

A Asociación Galega de Cooperativas Agroalimentarias (AGACA) desenvolve en liña💻 un taller gratuíto para o empoderamento das mulleres cuxa temática será a comunicación, as redes sociais e a automotivación. Dará comezo o xoves 16 e continuará durante 3 xoves máis de 10 a 14 h.

➕ℹ️nfo e Inscricións: 👇

https://bit.ly/3hbGQWp

Cursos gratuítos en liña para o emprendemento

💬O Concello de Narón organiza formación online para o emprendemento no marco da Rede Eusumo. http://www.naron.es/web/cat/gal/noticias/get/4541/

Está orientada a mulleres, persoas emprendedoras, cooperativas, desempregadas(os),entidades da economía social e público en xeral.

Se non queres quedar sen praza só terás que cubrir o seguinte formulario (poderás anotarte en cantos cursos queiras): 
📝Inscricións de balde aquí 👇
https://cursosnaron.formacionenrede.com/

📆Os catro cursos darán comezo o vindeiro día 7 de setembro.

Axudas a entidades de economía social

📢Aberto o prazo de solicitude do programa de apoio á recuperación de negocios en crise ou sen remuda xeracional mediante fórmulas de economía social e o Bono consolida economía social 2021-2022 ata o 30 de setembro.

Podes consultar as ordes completas nos seguintes enlaces:

https://bit.ly/2WBG6Tl

https://bit.ly/3zsJjTf

Axudas APROL – Economía Social

📌Ata o 30 de setembro:

Axudas de ata 16.500 € por cada persoa socia 💲 + reembolso da aportación ao capital inicial🔙💱

Infórmate de forma gratuíta e aprovéitate do programa APROL

👉 https://bit.ly/36pL9Yw

Emprende coa Mancomunidade en #EconomíaSocial, emprende en #Ferrolterra

Pide cita previa, sen compromiso e de forma gratuíta! Infórmate

RESOLUCIÓN do 8 de xuño de 2021, da Secretaría Xeral da Igualdade, pola que se establecen as bases reguladoras das axudas destinadas a fomentar o asociacionismo e a participación das mulleres, e se convocan para o ano 2021 (código de procedemento SI437A).

📌O DOG publica hoxe as bases reguladoras das axudas destinadas a fomentar o asociacionismo e a participación das mulleres ♀️

Esta resolución ten por obxecto establecer as bases reguladoras e a convocatoria para o ano 2021 das axudas dirixidas ás asociacións de mulleres e ás federacións constituídas por estas, coa finalidade de fortalecer e consolidar o movemento asociativo e potenciar a participación social e a calidade de vida das mulleres galegas a través das seguintes liñas:

a) Liña 1: consolidación do movemento asociativo, destinada a compensar gastos correntes que orixine o mantemento e funcionamento das asociacións de mulleres e das súas federacións.

b) Liña 2: promoción de actuacións e actividades singularizadas en materia de igualdade, de prevención da violencia de xénero e de acompañamento das vítimas, con especial incidencia nas mulleres rurais, mulleres maiores e/ou mulleres en situación de vulnerabilidade, no marco do Pacto de Estado contra a violencia de xénero.

Infórmate aquí!👇

👉https://bit.ly/3zCZ0YR

#XuntasSomosFortes

“Sementeiras no emprego”

Grazas ás 17 edicións dos obradoiros de cooperativismo e Economía Social “Sementeiras no emprego” celebrados este ano, chegamos xa a 193 persoas desempregadas ou con especiais dificultades de inserción da nosa comarca. Máis do 60% delas foron mulleres. #XuntasSomosFortes

Seguen adiante os obradoiros de cooperativismo “Sementeiras no emprego” para persoas en formación laboral.

Fotografia da 15ª e 16ª edición das “Sementeiras no emprego” adicadas aos proxectos formativos postos en marcha polos Concellos de Fene, Mugardos, Ares , Neda e Cabanas: Obradoiro Inicia V de Garantía Xuveníl e Obradoiro Dual Reinicia VII. Atopámonos con equipos de traballo incríbeis que xa poden contar coa Economía Social como ferramenta para o emprego. Mañá será a quenda de para as persoas alumnas do curso de traballos de Carpintería e Moble.

Obradoiro de apoderamento de mulleres socias de cooperativas

A Asociación Galega de Cooperativas Agroalimentarias, AGACA, pon en marcha un novo obradoiro de “Apoderamento de mulleres💪♀️ socias de cooperativas”. Impartirase os mércores 16, 23 e 30 de xuño, en horario de 16:00 a 21:00, a través dunha plataforma virtual.💻

ℹ️Máis información: https://lnkd.in/ddxVrDg

✍️Inscrición gratuíta: https://lnkd.in/dWhevyn

☑ Obxectivos:

👉 Impulsar o apoderamento e a autoestima.
👉 Mellora continua da explotación.
👉 A cooperativa como base da mellora.
👉 Impulsar proxectos de carácter empresarial, profesional e/ou agroalimentario.
👉 Impulsar proxectos no ámbito social e/ou asistencial.
👉 Impulsar proxectos relacionados co apoderamento e a presenza da muller nos órganos directivos das cooperativas.
👉 Impulsar o emprendemento a través do uso de recursos agrarios ociosos.
👉 Formar a mulleres socias en novas actividades produtivas mediante exemplos de éxito.

Presentación do programa OLYMPE EMPRENDE

Luns, 31 de maio, ás 10:00 horas

Webinar de presentación do OLYMPE EMPRENDE, programa de
#emprendemento feminino de proxectos con valores e principios da economía social.

Este #webinar está dirixido a axentes de desenvolvemento local, técnicos/as de emprendemento e de promoción económica e público en xeral.

A presentación será vía Zoom.

Inscrición enviando un correo electrónico a info@abeluria.coop.

Máis información sobre o Olympe Emprende
https://abeluria.coop/novas/Programa%20Olympe%20Emprende/